شبنم کړې د ګل پاڼو په رخسار بلې ډيوې
که اوښکې مې په مخ شولې قطار بلې ډيوې
په خيال کې د اشنا شين له خندا شومه او يا
خزان کې مې کړې جوړې د بهار بلې ديوې
سپوږمۍ سفر چې ګورم شي را ياد د يار سفر
همداسې دغوو شپو ته مې وې يار بلې ډيوې
دا څوک مو وژني ستوري او ګلبن تالا کړ چا
سرونه پښتانه دي که په دار بلې ډيوې
بسمل مارغه په شان کوم زګېروَی کوم فرياد
دا خلق يې هسې بولي د اشعار بلې ډيوې
ټول ژوند تېر په تياروکې کړ جاويد خوله مرګ پس
اې خلکو ورته نه کړئ په مزار بلې ډيوې
No comments:
Post a Comment